Balay girakrakan

CEBU, Philippines - Usa ka panimalay ang gipaulanan og mga bala samtang nahinanok sa pagkatulog ang mga tag-iya niini sa sitio Banahaw, barangay Talaga, lungsod sa Argao niadtong Domingo sa alas 11 sa lawom nang gabii.

Ang tag-iya sa panimalay nga mao si Veronico Mamites daling misumbong sa kapolisan sa maong panghitabo apan suwerte kay walay naangol o nakalas sa iyang mga sakop sa pamilya.

Atubangan sa mga polis, iyang gitumbok ang duha ka lalaki nga igsuon sa iyang asawa nga iyang bayaw ug ilang silingan nga iyang gikasungi nga maoy responsable sa maong pagpangrakrak.

Bisan walay lungag agi sa bala sa bongbong sa balay, giinsister ni Mamites nga girakrakan sila. (BANAT NEWS)