Gwen misuporta sa napiling PSR

CEBU, Philippines - Si Governor Gwendolyn Garcia mihatag sa iyang suporta ngadto sa upat ka mga bag-ong napili nga mga Private Sectors Representatives (PSR) gumikan sa ilang maayong serbisyo pinaagi sa ilang nagkadaiyang propesyon.

Matud sa gobernador nga napili sila si Engr. Pericles Dacay kinsa eksperyensyado na sa construction industries, Mr. Roger Lim nga nakatrabaho na sa usa ka American company sa dili mominus sa duha ka dekada, ingon man si Mr. Francis Monera ug Melanie Ng kay nasayran sa katawhan ang ilang kamatinud-anon sa pangalagad sa katilingban..

“They have very solid track, held several leadership positions and have worked effectively in their chamber so each of them, I am proud and was proud to recommend”, sumala sa gobernador.

Nasayran nga kining upat gipili ni Presidente Noynoy Aquino III isip mga bag-ong miyembro sa Mactan Airport Board base sa rekomendasyon ni Gobernador Garcia.

Ang presidente usab ang maoy nagpadala og suwat ngadto sa board nga si Cebu City Planning and Development Coordinator Paul Villarete nga maoy mahimong sunod nga Airport General Manager. (BANAT NEWS)