CEBU, Philippines - Gumikan sa kagutom ug sa balatian sa lawas duha ka mga biyudo ang nadiskobrehang nakabsan na sa ilang kinabuhi sulod sa ilang tagsatagsa ka balay ,sa managlahing lugar sa lalawigan sa Sugbo nga nadiskobrehan kagahapon sa kapolisan.
Ang mga biktima mao sila si Timoteo Libradilla Patriarca, 78, ug Benjamin Enriquez, 52, pulos mga biyudo.
Nasayran nga si Patriarca kinsa giingong napulo na ka adlaw nga namatay sa sulod sa iyang balay didto sa sitio Kawasan, Barangay Montpeller , sa maong lungsod gituohang nakabsan sa kinabuhi kay gilunosan sa pagka-walay kaon, sumala ni Dr. Samson Villamor, municipal health officer sa maong lungsod.
Samtang si PO2 Romulado Gregorio Villahermosa sa Cebu City Police Office miingon nga si Enriquez kinsa namatay sa sulod sa iyang balay sa sitio Bugnay l, Bliss sa barangay Labangon, ning dakbayan sa Sugbo giingong dugay nang nag-antos sa sakit nga hypertension ug arthritis nga malagmit maoy hinungdan sa iyang kamatayon. (BANAT NEWS)