Nabuslot ang kilid

CEBU, Philippines - Natuhab ang kilid sa usa ka drayber sa traysikad human kini dunggaba sa wala hiilhing kriminal didto sa sitio Soong, barangay Bankal, dakbayan sa Lapulapu sa miaging gabii.

Ang biktima mao si Ernie Heneral, 24, ulitawo nga taga Bankal kinsa giatangan sa kriminal sa iyang pagpauli sa ilang balay ug giluba sa walay igong hinungdan.

Matud pa sa kapolisan nga sa wala pa dunggaba ang biktima, nagsakay siya sa iyang traysikad gikang nakig-inom sa iyang mga amigo dihang pag-abot niya sa sitio Soong, iyang gihunongan ang usa ka tawo nga nagbarog sa daplin sa karsada sa pagtuo nga usa kini ka pasahero.

Apan imbis mosakay giduslak man hinuon ang iyang walang kilid sa walay igong hinungdan.

Apan nakadagan pa siya ug nakapangayo og panabang sa mga silingan nga mihatod kaniya ngadto sa tambalanan.

Sa pagkakaron padayon pang gipangita sa kapolisan ang kriminal kinsa dali kaayong nakasibat human makadaunggab. (BANATNEWS)