Nag-inject og nubain sikop

CEBU, Philippines - Gitanggong sa Pari-an Police Station ang usa ka lalaki human nasakpan sa akto sa nagpatrolyang mga polis nga nag-inject og syringe nga adunay sulod nga nubain sa CITI Center, barangay Kamagayan niadtong miaging gabii.

Ang nadakpan mao si Llenos De Leon, 33-anyos nagpuyo sa maong dapit kinsa nasakpan nga migamit sa maong ilegal nga drugas.

Ang suspetsado naaktohan sa mga polis nga nagtusok na sa dagom sa syringe hinungdan nga dali kining giduol sa mga polis nga nagpatrolya hinungdan sa iyang pagkasikop.

 Naimbargo usab nila ni SPO4 Sanrico Jole-jole, SPO1 Fajardo Deliguero ug SPO1 Leopoldo Ballido gikan sa posisyon ni De Leon ang usa ka paketeng shabu.

Si De Leon gikatakdang pasakahan og kasong kalapasan sa Republic Act 9165 kon Comprehensive Dangerous Drug Act of 2002 ug kalapasan sa City Ordinance 1427 nga mao ang paghupot og nubain. - BANAT NEWS