1 patay, 13 angol sa aksidente sa flyover

CEBU, Philippines - Patay ang usa ka tawo ug laing 13 usab ang nangaangol sa dihang ang Fuso canter nga kargahanan og isda sa Pasil   kalit lang gidumbol sa Toyola Sedan nga   gimaneho sa drayber nga nakainom.

Patay ang usa ka tawo ug laing 13 usab ang nangaangol sa dihang ang Fuso canter nga kargahanan og isda sa Pasil   kalit lang gidumbol sa Toyola Sedan nga   gimaneho sa drayber nga nakainom.

Nahitabo ang aksidente sa lugsongon nga bahin sa flyover sa dalan M.C. Briones, barangay Maguikay sa dakbayan sa Mandaue alas 2 pasado ang takna sa miaging kaadlawon.

Si SPO2 Timoteo Quirol sa traffic division sa Mandaue City Police Office (MCPO) miila sa namatay nga mao si Crisanto Sanchez, 30 anyos, ulitawo nga taga barangay Tabok, sa maong dakbayan.

Kini ang usa sa mga nagsakay sa Toyota Sedan nga sakyanan nga nagdala sa plate number GBU 425 nga gimaneho sa drayber nga si Eduardo Conde, 25, ulitawo nga taga dalan P. del Rosario sa dakbayan sa Sugbo kinsa grabe usab nga naangol ug nalandig sa tambalanan.

Ang tulo nga naangol nga luwan sa Toyota Sedan   mao sila si Rendel Judilla, 20 nga taga barangay Pagsabungan ug Rolly Tresballes, 28, taga Tabok, dakbayan sa Mandaue.

Matud pa ni SPO2 Quirol nga ang Fuso Canter nga trak nga nagdala sa plate number GPY 188 gimaneho ni Gregorio Maningo, 52, nga taga Luyang, lungsod sa Carmen kinsa gitanggong karon sa sulod sa detention cell. Naglakip sa mga naangol nga pasahero sa Fuso canter nga sakyanan mao sila si Maricris Manalo, 28, Selerio Nino, 38 nga taga barangay Yati sa lungsod sa Liloan, Pepenio Taneo, 40 nga taga Guinsay, dakbayan sa Danao, Renter Cuervo, 54, Erlinda Cuba, taga Tabok, Maslog, dakbayan sa Danao, Cahrlito Cuba, 44, Teresita Saunoy, 55, taga Tayud, Consolacion, Dondon Florentino, 35, taga Jubay, Liloan, Paterno Quelot, 30. taga Maslog, dakbayan sa Danao, Benben Bequer, 37 ug Ricardo Turno, 37 nga taga Maslog, dakbayan sa Danao.

Dugang pa ni SPO2 Quirol nga ang mga sakop sa Emergency Rescue Unit Foundation (ERUF) dali nga midala sa pipila ka mga biktima sa Mandaue City District Hospital ug ang pipila usab gidala ngadto sa Vicente Sotto Memorial Medical Center. (BANATNEWS)