CEBU, Philippines - Malaumon gihapon ang mga opisyal sa Commission on Elections sa siyudad sa Sugbo nga madayon ang plebisito sa pagbuwag sa Banawa-Englis gikan sa barangay Guadalupe sa dili pa ang synchronized barangay ug sangguniang kabataan election sa Oktobre 25. Sumala pa sa report si Cebu City South district election officer Edwin Cadungog nagkanayon nga dako pa ang kahigayonan nga madungan sa barangay election ang plebisito.
Kini tungod kay ang ilang gipaabot mao na lang ang kamandoan sa korte nga pagpadayon sa plebisito.
Matud pa ni Cadungog nga bisan pa og mogawas ang kamanduan sa korte mga duha ka semana sa dili pa ang barangay election mahimo pa kini nilang ipatuman. Kini tungod kay naandam na sa iyang buhatan ang tanang gikinahanglanon alang sa pagpadayon sa na-oktabang plebisito.
Apan si RTC-7 Judge Gabriel Ingles mibasura sa petisyon. - BANAT NEWS