'Mikawat' laptop sa pari sikop
CEBU, Philippines - Usa ka lalaki nga nadakpan sa kapolisan human pasanginling mikawat sa laptop sa usa ka pari sa Society of Divine Word sa University of San Carlos ug gibaligya ngadto sa pastor sa Bethel Temple sa B. Rodriguez.
Si Kirk Vincent Valmores, 34, walay klarong pinuy-anan sa Sugbo ug lumad nga taga Yakapin Aguinaldo, Cagayan de Oro, gitanggong sa Fuente Police Station human gikuha ang laptop ni Fr. Eugene Docoy.
Si Chief Insp. Michael Bastes sa Fuente Police Station nagkanayon nga si Valmores nagpailang kaubang pari ni Fr. Docoy hinungdan nga nakasulod sa kuwarto sa pari ug didto gikuha ang laptop sa pari.
Giprenda ni Valmores ang laptop sa naninda og pagkaon sa Osmeña Boulevard, apan human lukata gibaligya kini ngadto ni Pastor Ernie Latoño og P6 mil. Nagduda kini nga kinawat hinungdan nga miadto sa Fuente Police Station ug na-trace sa usa ka Barangay Intelligence Network nga kang Fr. Docoy ang laptop. - BANAT NEWS
- Latest
- Trending
