Traffic code sa Talisay giusab

CEBU, Philippines - Human sa gipahigayong public hearing niadtong Sabado sa buntag gikatakda ugmaatol sa ipahigayong sesyon sa konseho sa dakbayan sa Talisay ang pagpasar sa ordinansahon kabahin sa traffic code sa siyudad.

Si Bise Mayor Alan Bucao, chairman sa Committee on Public Safety ug maoy nangamahansa traffic code ordinance sa pakighinabi niini sa Banat Newsnagkanayon nga walay nakitang problema sa gipahigayong public hearing kagahapon sa buntagsa people’s hall sa city hall nga gitambongan sa mga drayber, mga negosyante, mga opisyal sa barangay ug siyudad, mga vendor, ug mga molupyo.

Si Bucao nagkanayon nga ang Talisay may ordinansa na kaniadto kabahin sa trapiko apan sa ilang pagtuon nasuta nga ang maong ordinansa dili na haom sa sitwasyon karon sa siyudad tungod kay nagkadaghan na ang mga sakyanan ug mga molupyo ug nagkaanam na usab og kahuot ang kadalanan.

Matud sa bise mayor nga gitangtang nila ang mga lagda sa ordinansa kaniadto nga dili na epektibo karon, apan kadtonghaom pa gihapon ilaha kining gisagop ug gipun-an.

Gipasabot ni Bucao nga ang ordinansa kaniadto walay klarong loading ug unloading area apan karon ila nang giklaro kun asa dapita magpakanaog ug magpasakay samga pasahero ang mga drayber sa mga pampublikong sakyanan ug traysikol.

Ang maong ordinansahon ipublikarsulod sa 15 ka adlaw human kaaprobahi sa konseho.

Apan matud pa usab ni Bucao nga mopahigayon una sila og dry run sa dili paang hingpit nga implementasyon sa maong ordinansa.

Si Bucao midugang nga mohangyo siya ngadto sa mayor nga dugangan ang mga traffic enforcer tungod kay kuwang ang gidaghanon nila karon diha sa kadalanan nga nagmando sa trapiko.

Gipaningkamotan ni Bucao nga mapatas-an ang mga benepisyo sa mga traffic enforcer ug kahatagan usab kini og insurance. (BANATNEWS)