Mr. X gipusil samtang nag-inom

CEBU, Philippines - Naangol ang usa ka nagpailang Mr. X human kini pusila sa wala hilhing mga kriminal didto sa dalan C. Padilla, barangay Sawang Calero, ning dakbayan sa Sugbo sa miaging gabii.

Si Mr. X kinsa nagsul-ob og gray nga t-shirt ug maong nga short pants nakit-an ni Billy Labra, usa ka molupyo sa maong lugar nga nagbuy-od sa yuta nga samaran sa nagkalainlaing bahin sa lawas agi sa pinusilan. Ang biktima kinsa nagpaila lang nga Mr. X mitug-an nga sa wala pa siya pusila, may gikainom siyang higala nga ginganlan og Rudy Montehermoso. Apan matud pa may duha ka wala hiilhing armadong mga tawo nga mikalit lang og tungha sa ilang luyo unya gibirahan dayon siya sa pagpusil.

Nabulit sa mga samad sa bala ang kalawasan sa biktima apan wala kini maintimano busa gihatod dayon ni Labra ngadto sa Cebu City Medical Center.

Gipangita pa sa kapolisan karon ang mga kriminal. (BANATNEWS)