Imahen nag-milagro?
CEBU, Philippines - Mga residente sa barangay Polpogan, lungsod sa Consolacion nagubot tungod sa na-obserbahan nilang “milagro” sa imahen sa Mahal nga Birhen Maria nga gikan sa Lipa City, Batangas.
Ang imahen sa Our Lady of Mediatrix of All Grace gikan sa Lipa gisuroy dinhi sa Sugbo ug ibutang sa mga kapilya, apan nabantayan sa mga tawo nga mitak-om ang baba niini.
Si Neneta Alcantara, residente sa Polpogan mipakita ngadto sa Balitang Bisdak sa GMA-7 sa mga hulagway nga iyang nakuha sa imahen sa Mahal nga Birhen nga matud niya adunay kausaban sukad naabot kini sa ilang kapilya.
Laing residente nga si Adelaida Dublin mikonpirmar sa na-obserbahan niya nga pagtulo sa luha gikan sa mga mata sa imahen.
Si Arsobispo Ricardo Cardinal Vidal sa iyang bahin nagkanayon nga angayang mo-report ngadto kanilang mga awtoridad sa Simbahan ang mga tawo nga nakakita sa giingong milagro sa imahen sa Mahal nga Birhen. Sumala sa arsobispo nga dili angayan nga motuo dayon sa nakit-an. (BANATNEWS)
- Latest
- Trending
