Puya gilabay sa basurahan

CEBU, Philippines - Usa ka puya nga may upat ngadto sa unom ka buwan ang edad patay nang napalgan didto sa tampi sa sapa sa Guadalupe sa barangay Pahina San Nicolas ning dakbayan sa Sugbo kagahapon sa buntag.

Ang basurero nga nakakuykoy sa maong puya mao si Roberto Ybañez, 29, nga taga Pahina Central kinsa miingon nga ang maong puya nga gisulod og karton nakita niya sa usa ka pundok sa basura nga iyang gikuykoy.

Iya dayong gipahibawo ang kalihim sa barangay nga si Vicente Laguido kinsa mao usay mitawag dayon og polis.

Ang kapolisan sa Guadalupe naglisod usab sa pag-ila kun lalaki o babaye ba ang maong puya gumikan sa kagamay pa niini.

Nasayran nga gibilin lang sa walay puangod nga inahan ang maong puya didto sa tampi sa sapa. Gihatod dayon ngadto sa Cebu Memorial Funeral Homes ang maong puya alang sa paglubong niini. (BANATNEWS)