CEBU, Philippines - Gipadayag ni Konsehal Alvin Dizon nga nakadawat siya og imbitasyon sa pipila ka mga dagkong opsiyales sa Fengze District sa Quanzhou City sa nasud sa China aron pagduaw sa ilang dapit sanglit interesado ang maong mga opisyales nga makig-kooperar alang sa paghinatagay og mga ideya sa pagpalambo sa ilang mga dapit ilabi na kun ang hisgutan ang turismo.
Kahinumduman nga miduaw sa buhatan ni Mayor Michael Rama sa miaging adlaw ang delegasyon sa Quanzhou City nga gipangulohan sa Bise Mayor niini nga si Yang Ji-zhi nga inubanan usab sa Director of Foreign Affairs and Overseas Chinese Affairs Office nga si Guo Jun-shan ug sa Chairman sa Returned Overseas Chinese Association nga si Lin Xiu-e. (BANAT)