Nag-internet gipusil ang buko-buko

CEBU, Philippines - Naka-angkon og samad pinusilan sa buko-buko ang usa ka tinun-an human kini pusila sa wala hiilhing mga kriminal didto sa usa ka internetan atbang sa UP School, sa Gorordo Avenue, barangay Lahug ning dakbayan sa Sugbo sa miaging kadlawon.

Ang biktima giila nga si Edgardo Ocampo, 16, nga taga Gorordo.

Matud pa sa biktima nga samtang nagduwa sila sa iyang higala nga si Asly ug Ramon og internet game sa daplin sa dalan sa nahisgutang lugar kalit lang miabot ang duha ka wala mailhing lalaki luwan sa usa ka motorsiklo ug miduol kaniya ug sa walay igong hinungdan gipusil ang iyang likod.

Ang biktima dali nga gidala sa iyang mga silingan ngadto sa Cebu City Medical Center samtang ang mga kriminal nakaikyas ug gipangita na karon sa kapolisan. (BANAT)