AGI inspectors midayeg sa PRO-7

CEBU, Philippines - Gihulagway nga maayo ang performance nga gipakita sa mga sakop sa Police Regional Office (PRO-7) atol sa gipahigayon nga lima ka adlaw nga Annual General Inspection (AGI) ug nakadayeg sa kadaghan sa mga sharpshooters nga babaye dinhi.

Sa pakighinabi sa mga tigbalita ni Chief Superintendent Ifor Magbanua, ang hepe sa Inspection Department sa Camp Crame mibutyag kini nga base sa mga resulta nga nahipos sa nagkadaiyang inspectors sa lalawigan ug syudad sa ginsakupan sa PRO-7 pulos kini mihatag og ‘excellent’ nga grado.

“Personally, I am quite impressed finding our inspection very satisfactory,” pasabot pa ni Magbanua.

Samtang nakadayeg usab si Magbanua sa gipangitang mga scenario sa kapolisan kalabot sa mga nagkadaiyang operasyon ug sa ilang pagresponde sa mga shootout.

Dugang pa niini, iya usab nga nakita ang kahanas sa kapolisan sa rehiyon sa gun proficiency tungod sa kadaghan sa mga sharp shooters ug pipila niini mga babaye nga iyang gihulagway nga “Woman Power.”

Apan taliwala sa pagdayeg anaa gihapon ang ginagmay nga problema sa nagkadaiyang estasyonan sa kapolisan nga ilang nahimamat kini mao ang blotter.

Matud pa ni Magbanua nga ang kapolisan kuwang og kopya sa blotter ilabi na kun magpasaka kini og kaso tungod kay imbes ang original nga blotter ang ipakita kopya nalang hinuon ang ilang ikapakita, hinuon dili lang ang Central Visayas maoy nakasinati og susamang problema.

Sa laing bahin gi-agni usab ni Magbanua ang mga Local Government Units nga unta modonar og lote alang sa Philippine National Police isip maoy ilang headquarters o police station. (BANAT)