Polis na-sampot sa iyang armas nahu'g, mibuto

CEBU, Philippines - Disgrasyang naunay sa kaugalingong service firearm ang usa ka polis sa Mobile Patrol Group human kini mibuto sa dihang nahagbong sulod sa ilang panimalay sa alas 11:30 sa miaging gabii sa dalan St. Joseph, Barangay, Hipodromo dakbayan sa Sugbo.

Ang naigo sa iyang walang sampot mao si PO2 Rommel Billedo Mediodia, 38, ug nagpuyo sa maong dapit. Nadestino kini sa MPG sa Cebu City Police Office.

Sumala pa nga si PO2 Mediodia naglingkod sa ilang kama sulod sa ilang panimalay sa dihang nahagbong ang iyang armas ug mibuto hinungdan sa pagkaigo sa iyang walang sampot.

Daling gidala sa iyang kapuyo si PO2 Mediodia sa Perpetual Succour Hospital alang sa medikasyon. Nakuha sa kapolisan ang usa ka .38 kalibre nga Smith and Wesson nga rebolber diin adunay serial number nga D268764, aduna kini lima ka mga bala ug usa ka kabhang sa bala sa maong pusil. (BANATNEWS)