CENTCOM mang-recruit og sundawo

CEBU, Philippines - Ang 7th Regional Community Defense Group, Army Reserve Command (RCDGARC) nga nagbase sa Camp Lapu-Lapu, Lahug, dakbayan sa Sugbo modawat na og mga aplikante alang sa Probationary Officer Training Corps (POTC) Class 31-2010.

Si Col. Norman Gomez kinsa maoy kasamtangang Philippine Army (PA) Group Commander nga nanguna karon sa RCDGARC nagkanayon nga ang mga kwalipikadong aplikante ipadala ngadto sa headquarter sa reserve command sa Tanza, Cavite karong Septiyembre 10, 2010.

Matud pa niya nga ang mga andamonong papeles sa mga mo-apply mao ang mosunod: rekomendasyon gikan sa group commander, gi-computer nga application form, full size nga hulagway sa aplikante nga nagsul-ob og kompletong uniporme, birth certificate gikan sa local civil registrar o sa national census and statistic office (NCSO), photo copy sa college diploma ug transcript of records nga gi-authenticate sa school registrar.

Gawas niini gikinahanglan usab ang Basic ROTC certificate ug certificate of grades kung ang grado sa ROTC wala mahilakip sa transcript of records (TOR), original physical examination report (form 63-A) nga gikan sa bisan asa nga military hospital o hospital sa gobiyerno diin ipa-validate kini sa army surgeon, AFPATB (100%), command clearance certificate (G2, PA), affidavit (sworn statement nga gipanotaryohan sa notary public nga abogado), statement sa MIL SVC (gikan sa ADJ, PA) active EP ug summary of information (SOI gikan sa IMO, PA) active EP.

Midugang si Gomez nga ang mga sibilyan nga aplikante kinahanglang makakuha og G2 clearance sama ning mosunod: barangay clearance, mayor’s clearance, police clearance, RTC clearance, NBI clearance, ug sa active EP mao ang mosunod: DLO (gikan sa AF=DJ, PA), SOI (gikan sa MIPO,PA) ug PHS.

Ang kompleto nga PHS (original) kinahanglang lakipan og 2X2 nga ID picture, tax identification number (TIN) ug community residence certificate (cedula).

Ang mga aplikante kinahanglang may 5’0 ang gitas-on sa pamarog niini babaye ug lalake ,ug nagpanuigon gikan sa 21-anyos ug dili molapas sa 30-anyos.

Ang tanang mga photocopy nga dokumento kinahanglan nga gi-authenticate kini sa JAGO officer gawas sa TOR ug college diploma ug ibutang kini sa duha ka green nga folder nga adunay duha ka green nga tabbings ug laing duha ka green nga folder alang sa G2 clearance, usa sa maong clearance original, ug laing usa ka photo copy.

Miawhag si Gomez nga kadtong mga interesadong aplikante moadto lang sa duol nga CDC sa ilang lugar alang sa dugang kasayoran.

Ang mga lugar nga nahimutangan sa buhatan sa CDC mao ang 703 CDC-Camp Leon Kilat, Tanjay, Negros Oriental, 702 CDC-Camp Bernido, Dao Dist., Tagbilaran City, 701 CDC-Camp Lapu-Lapu, Cebu ug 704 CDC-Kaipilan, Siquijor, Siquijor.

Matud ni Gomez nga ang mga kaayohang madawat sa mga kwalipikadong aplikante nga bansayonon pa mao ang P20,708 nga basic salary, clothing allowance, P200 ug subsistence allowance nga P2,200 , nga ang tanan mokabat sa P23,708 matag buwan, combat clothing individual equipment (CCIE) nine line items issue. (BANATNEWS)