Opisina sa solid waste way komunikasyon

CEBU, Philippines - Ang hepe sa Ecological Solid Waste Collection and Transport (ESWCT) naproblema sa pag-monitor sa mga tigkolekta og mga basura tungod kay walay linya sa komunikasyon ang iyang buhatan.

Si Edwin Nierves nga maoy piniyalan sa buhatan sa ESWCT mibutyag samga tigbalitanga taud-taud na ang maong problema apan hangtud karon wala pa gihaponmasulbad.

Matud niya nga ang konseho sa Talisay mipasar na og resolusyon nga naggahin og salapi alang sa mga kahimanan sama sa hand held radio nga gamitonon sa iyang buhatan.

Miingon siya nga ang hand held radio maoy dali kaayong gamitonmagawas man okaha sa sulod sa opisina,busa maoy iyang gisugyot nga ipapalitalang sa iyang buhatan.

Gipasabot ni Nierves nga maglisod siya sa pag-monitor sa mga garbage truck ug sa mga tigkolekta og basura tungod kay wala silay kahimanang magamit.

Ug kun adunay garbage truck nga maaberiya, malangan gayud ang drayber niini sa pagtawag og mo-rescue o moguyodtungod kay walay mga komunikasyon.

Gibutyag ni Nierves nga aron lang mapatuman ang tukmangserbisyo sa iyang buhatan, migamit lang unasiya sa kaugalingon niyang telepono.

Bisan ang ipalit og krudo alang sa trak sa basura, iya gihapong kuwarta, ang iyang gigasto apan nagtuyo siyanga maulian ra gihapon kini, kun mogawas na ang gipangayong budget sa konsehoalang sa maong katuyoan, matud pa ni Nierves.

Si Talisay City Administrator Richel Bacaltos nga nahinabi sa Banat Newsnagkanayon nganakarga na sa 3rd quarter nga budget ang request ni Nierves apan nagkinahanglan pa kini og follow up aron ma-release na. (BANATNEWS)