8 brgy. hataga'g MRF

CEBU, Philippines - Tungod sa nagkadaghan na nga basura diha sa Inayawan dumpsite, gipahibalo ni Konsehal Nida Cabreranga walo ka barangayang plano nila nga hatagan ogMaterials Recovery Facility (MRF) aron hingpit na gyud nga mapatumanang Republic Act 9003 kun Solid Waste Management Act of 2001.

Ang maong walo ka mga barangay naglangkob sa Ermita, Tinago, Sawang Calero, Camputhaw, Quiot-Pardo, Mambaling ,Apas ug Mabolo.Matud pa niini ang mga ekipo mobahig sa madunot ug dili madunot nga basura, ang madunot nga basura dad-on sa laing ekipo aron kini himuong organic fertilizer.

Dugang pa sa konsehal nga samtang nagkadako ang populasyon, nagkadaghan usab ang mga basura sa dakbayan sa Sugbo busa karon, gawas sa MRF, nangita usab sila og mga lugar arontukoran nila og composing center.

Samtang gipahibalo ni Cabrera nga gitun-an karon sa iyangbuhatan ang posibilidad sa pag-anam og sira sa pipila ka bahin sa Inayawan dumpsite.

Sumala pa sa konsehal nga nagkagrabe na ang basurahan sa maong dapit busa gikinahanglan nga sirhan na ang ubang parte niini. Matud pa niya nga MRF maoy usa sa mga makonsiderar nga solusyon aron hingpit nga maminosan ang mga basurahan sa siyudad.

Matud pa sa konsehal nga daghan kaayo og mahimo ang mga plastic sanglit ma- recycle ug makahatag usab kini og panginabuhian sama sa ubang mga tawo sa barangay Luz.

Kini human ang mga basura sa maong barangay gibahig ug ang ma-recycle gipanghimo nilang mga flower vases, pitaka, bags ug uban pa. (BANATNEWS)