CEBU, Philippines - Giunay og patay sa usa ka mag-uuma pinaagi sa paghapak og bato sa ulo hangtud nga napatay ang 24-anyos nga kapuyo sa iyang anak nga nanulong sa ilang pinuy-anan nga nagdala og armas ug nanghulga nga hutdon sila og pamatay diha sa sitio Site barangay Kahumayhomayan siyudad sa Danao niadtong Miyerkules sa alas 9:00 sa gabii.
Hepe sa ‘fire’ sa CH susihon
Si Mayor Michael Rama moimbestigar sa usa sa mga opisyales sa Cebu City Bureau of Fire Protection tungod sa pasangil nga pagpangolekta og kwarta aron daling makakuha og koneksyon sa elektrisidad ang mga nabiktima sa sunog sa barangay T. Padilla ning siyudad sa Sugbo.
Si Rama nagkanayon mimando sa pagpaimbestigar kang Engr. Bobby Cabigas ang hepe sa Cebu City Fire Prevention tungod sa giingong pagpangolekta niini og P140 matag usa sa 60 ka mga balay sa T. Padilla nga wala hingpit maugdaw sa sunog alang sa dali nga pagkuha og mga permits sa Visayan Electric Cooperative ug sa Office of the Building Officials (OBO).
Matud pa ni Rama sa interbyu sa DyRF nga iyang tinud-on ang maong imbestigasyon tungod kay ang pasiunang impormasyon nga iyang nadunggan hasta ang iyang pangalan gigamit sa pagpangilad aron pangwartahan ang mga biktima sa sunog.
Gibasabot ni Rama nga ang City Hall wala gyud mipadala og mga tawo aron mangayo og kwarta aron lamang madali ang koneksyon sa elektrisidad sanglit libre ug walay bayad nga gitanyag karon nga serbisyo sa kagamhanan ngadto sa mga fire victims. Ang mipadangat sa maong reklamo mao ang investigative team sa sibyaanang DyRF human moreklamo ang mga molupyo sa maong dapit.
Ang mayor mimando na sa pagbutang og temporaryong suga alang sa mga biktima apil na usab ang pagbutang og temporaryong pansayan ug kaliguanan ug uban pa.
Sa iyang bahin, si Cebu City Fire Marshall Esmael Codilla kusganong mihimakak sa pasangil nga iyang gisugo si Gabisan nga mangolekta og P140.
Matud pa ni Codilla nga dili usab permits ang iisyu sa OBO o sa ilang buhatan alang sa koneksyon sa suga kun dili certification lamang ug mokantidad lang kini og P35. Gikatakdang ipatawag ni Codilla si Gabisan kabahin sa maong reklamo.
Samtang ang tigpamaba sa VECO Ethel Natera mitug-an nga dili sila motagad og reconnection sa kuryente kun dili ang mga tagtungod na gyud mismo ang moduol sa ilang buhatan. - Chester Abadilla (BANAT NEWS)