Habeas Corpus gibasura

CEBU, Philippines - Si outgoing PRO-7 Chief Supt. Lani-O Nerez mipahibawo kagahapon nga nakadawat siya og suwat sa hukmanan niadtong miaging adlaw nga gi-deny ang writ of habeas corpus nga gi-file ni Lucia Viloria, asawa ni Dominador Viloria Sr. nga nadakpan uban sa iyang anak nga si Dominador Jr. sa mga sakop sa Regional Special Operations Group (RSOP) sa miaging semana human gitumbok si Dominador Sr. nga maoy “lookout” sa pag-ambush patay kang Joselito “Kokoy” Reynes, kanhi mayor sa lungsod sa Compostela.

Nasayran niadtong Lunes si Lucia misang-at og Writ of Habeas Corpus apan pipila palang ka adlaw gikan sa iyang pag- file gi-deny dayon sa korte.

Niadtong Miyerkules sa hapon ang kapulisan mipasaka og kasong murder batok sa gitumbok nga killer nga si Wilson Pasaol kanhi drayber sa ambulansya sa munisipyo kinsa hangtud karun wala pa madakpi sa kapulisan.

Si Sr. Supt. Erson Digal, hepe sa kapulisan sa probinsya niingon nga lima ka saksi ang mitudlo kang Pasaol nga maoy gunman. – BANAT NEWS