1 patay, 2 crew sa missing nga barko napalgan, 12 missing pa

CEBU, Philippines - Ang barkong gipangita sa mga sakop sa Philippine Coast Guard nga na-missing nalunod gyud ug naluwas ang kapitan ug duha niini ka crew diha sa baybayon sa Quezon City ug laing narekober ang wala pa mailhing lalaking gidudahang crew gihapon sa maong barko.

Base sa update sa website sa PCG, ang mga naluwas mao sila si Kapitan Joselito Cortejos, napalgan kini sa baybayon sa General Luna Quezon ug si Jerry Cortez nga usa ka crane operator.

Samtang ang assistant engineer nga si Joseph Jabonete napalgan daplin sa baybayon sa barangay Tuhean Katanauan, Quezon City.

Nasayran nga niadtong Agosto 5 pasado alas-8 sa gabii, ang barko nga MV SF Freighter migikan sa Manila nga walay aberya sa panahon.

Katapusan kini nga nakontak naglawig kini sa Dos Hermanas Island Marindoque pasado alas-2 na sa kaadlawon Sabado (Agosto 7).

Kasamtangan pa karung nagpadayon ang search and rescue operations kalabot sa maong hitabo pagpangita sa nahibiling dose ka mga crew nga nawala.

Ang PCG nakig-alayon na sa mga local government units ug sa shipping companies kansang mga barko molawig sa maong kadagatan sa pagtabang kanila sa ilang operasyon.

Kahinumduman nga ang maong barko tulo na ka adlaw nga gipangita human kini nawad-an og kontak sa coast guard. (BANATNEWS)