Engineer sa DPWH dili target sa ambush

CEBU, Philippines - Posibleng sayop nga target angenhinyero sa Department of Public Works and Highways (DPWH) nga gi-ambush didto sa barangay Talamban siyudad sa Sugbo niadtdongHuwebes sa gabii.

Matud pa sa usa ka sinaligan tinubdan nga mihangyosa Banat News nga dili lamanghinganlan kay kauban ra kini sa trabaho ug suod usab sa namatay nga si Engr.Ciriaco Salazar Jr., nga ang target sa maong pagpang-ambush mao ang asawa sa namatay nga si Dolores nga usa usab ka opisyal sa DPWH Central Visayas.

Matud pa niini nga usa siya sa higala ni Salazar Jr. nga daling nakaadto sa lugar diin nahitabo ang pagpang-ambush ug iya pa nga nadungganang asawa nga mitumbok nga ang maong bala dili alang sa iyang bana sanglit usa man ka maayong tawo.

Iyang gitataw nga si Engineer 3 Salazar Jr.maoy hepe sa maintenance section sa 4th District Engineering Office sa DPWH-7samtang ang asawa nga si Engineer 2 Dolores Salazar maoy OIC chief sa maintenance section sa 1st District Engineering Office. Sa dihang nagsugod sa paglingkod si Presidente Benigno Simeon Aquino III niadtong Hulyo 1, ang DPWH nga mipakunhod sa gidaghanon sa ilang mga casual ug job order employees.

Matud pa niini nga may dili mominos lima ka mga kawani ang wala na patrabaho-a bisan og pipila na ka tuig kining nagtrabaho sa DPWH ubos sa maintenance section ug tungod niini, nakadawat og hulga sa kinabuhi ang asawa sa biktima gikan sa wala na makatrabaho nga “manablanalang sanglit makulban man sa kaldero” ilang pamilya.

Giasoy niini nga niadtong adlaw’ng Huwebes, si Salazar Jr. wala mogamit sa iyang service vehicle ug nagpa-drop kini sa dakbayan sa Carcar ug misakay og bus paingon sa siyudad aron sa pag-apas sa iyang asawa kay makigdungan kini sa pagpauli sanglit holiday man sa pagka-Biyernes.

Matud pa nga sagad mo-drive sa bag-ong napalit sa magtiayon nga Crosswind mao ang asawa apan niadtong higayona ang biktima maoy nag-drive ug posibleng wala kini makit-i sa duha ka mga mamumuno sanglit tinted man ang samin sa sakyanan ug dili makita kun si kinsa ang nagmaneho.

Dugang pa niini nga ang mga kauban ngamga kawani sa biktima dako usab ang pagtuo nga posibleng ang punting sa maongpagpang-ambush mao ang asawa sa biktima. (BANATNEWS)