12 ka mananagat gisikop

CEBU, Philippines - Dose ka mananagat ang nasikop sa kapolisan gumikan sa paggamit og ilegal nga panagat didto sa barangay Pooc, lungsod sa Santa Fe sa miaging buntag.

Ang nasikop mao sila si Vicente Mata, ang kapitan sa barkong panagatan, Teresito Santillan, 40, chief engineer, Ramon Garcia, 40, Romeo Santillan, 30, Felix Giltendez, 35, Melvin Espina, 27, Alex Aballe, 34, Sally, Ysulan, Roger Sandillan, 34, nga pulos tagabarangay Patao, lungsod sa Bantayan. Joselito Santillan, 41, nga tagalungsod sa Madridejos, Armandos Rico, 29, taga barangay Hagnaya, lungsod saSan Remegio, ug Vello Forrosuelo, 40, taga sitio Sungko, lungsod sa Bantayan.

Nasayran gikan kang PO1 Wenceslao Daban nga ang pagkasikop sa mga suspetsado nahimo human nila madawat ang usa ka taho gikan sa nagpakabanang molupyo.

Dihadiha mihimo dayon sila ogseaborne patrol operation sa maong lugar ug didto ilang naabtanang maong mga suspetsado nga luwan saMB Queen Joy IV, usa ka barkong panagatan, nga migamit og pukot nga pino kaayo og mata,usa sa matang sa pangisda nga gidili sa balaod.

Sa pagkakaron tua prisoha ang mga suspetsado sa bilanggoan sakapolisan sa Santa Feug gipaabot niini ang kasong paglapas saRepublic Act 8550 o Fisheries Code nga nagtasar og priso nga balig duha ngadto saunom ka tuig. (BANATNEWS)