Gipusil samtang naglingkod angol

CEBU, Philippines - Samdan ang usa ka lalaki human kini pusila sa wala hiilhing kriminal didto sa Chinese Cemetery sa dalan MJ Cuenco Avenue, sa barangay Hipodromo ning dakbayan sa miaging gabii.

Ang biktima nailhan nga si Arnold Magan, 20, nga taga Hipodromo kinsa samdan sa paa. Base sa inisyal nga imbestigasyon sa kapolisan nasayran nga ang biktima naglingkod-lingkod atubangan sa gate sa Chinese Cemetery samtang nagpaabot sa iyang higala. Apan sa kalit lang mipatim-aw ang wala hiilhing tawo sa iyang likod ug sa iyang paglingi gipusil dayon siya niini makaduha ka higayon.

Nakadagan ang biktima ug nakapangayo og panabang sa iyang iyaan kinsa maoy mitawag sa kapolisan. (BANAT NEWS)