20 kompanya sa lapu gipasidunggan sa CH

CEBU, Philippines – Kawhaan ka mga negosyante ang gipasidunggan sa kagamhanang lokal sa dakbayan sa Lapulapu diha sa Shangri-la Mactan Resorts and Spa sa milabay’ng gabii.

Atol sa maong pagpanghatag sa mga pasidungog si Lapulapu City Mayor Paz Radaza miawhag sa mga negosyante sa pagbayad sa ilang buhis sa tukmang higayon.

Sumala pang Radaza nga ang kinitaan sa dakbayan mahibalik ra gihapon pinaagi sa mga “basic services” niini ngadto sa mga Oponganons.

Gumikan niini gikalipay ni Radaza ang pagpahibalo nga ang dakbayan sa Lapulapu nakakolekta og balor P946 milyones sa tuig 2009 gawas pa sa P399 milyones nga Internal Revenue Allotment (IRA) gikan sa kagamhanang nasyonal.

Gipahibalo usab ni Radaza nga ang mga nanag-iya og mga resorts ug hotels   aduna nay gitukod nga Tourist Police Unit nga maoy magbantay sa kalinaw ug seguridad sa mga lanyaw ug lokal nga turista.

Ang mga gipasidunggan mao ang Shangri-La Mactan Island Resort and Spa; General Milling Corporations, Lear Automotive Services (Netherlands) Corp. Taiyo Yuden Philippines.

Sunod nga gipasidunggan mao ang Taipan Development Corporation, and Gaisano Capital-Mactan, Plantation Bay Holdings Corporation, Hilton Cebu Resort and Spa, ih Oikonomos International.

Ang Keppel Cebu Shipyard, Waterfront Airport Hotel and Casino Inc., Pentax Cebu Philippines, Philippine Long Distance Telephone Corporation, Lexmark International naapil sa gipasidunggan.

Samtang gipasidunggan usab ang Fairchild Semiconductor, Maitland-Smith Cebu, Celestistica Philippines, TMX Philippines, Olympus Optical Technology Philippines, East Asia Utilities Corporation, Big Foot Properties and NKC Manufacturing Philippines.

Ang Shangri-la maoy numero unong taxpayer sa tuig 2006, 2007 ug 2008 ug mao kini ang ikaupat nga higayon sila maoy nakabayad og labing dakong buhis ngadto sa dakbayan sa Lapulapu.

 “The revenue generation and collection will find import in this administration. Through re-energized tax collection effort, the city will breach the 1-billion peso collection margin within my first two years in office,” matud pa ni Radaza. (BANATNEWS)