Veco mohatag maayong serbisyo

CEBU, Philippines - Dili ikahatag sa Visayan Electric Company (VECO) ang hustong serbisyo sa kuryente gawas lang kun ikapatuman ang umentong 3.6 porsento sa bayranan sa mga konsumedor niini.

Mao kini gibutyag ni Ricardo Lacson Jr. ang Vice President sa Customer Service and Administration sa Veco kinsa nagkanayon nga gitugotan sila sa Energy Regulatory Commission (ERC) sa pagpatuman sa maong umento tungod kay legal ang maong lakang.

Apan daan nang mibahad ang ERC nga ilang panid-an ang Veco kun mohatag ba gayud og maayong serbisyo sa ilang mga kustomer kay kun dili ila kining pamultahon.

Busa si Lacson sa iyang bahin mipasalig nga ipatuman gyud nila ang tukmang pangalagad ngadto sa ilang mga kustomer.

Ang pagpatuman sa bag-ong umento sa bayranan sa kuryente sugdan na ugma, ang unang adlaw sa Agosto.  - Brenda D. Batuto ug Jean Rien Armenion (BANAT NEWS)