CEBU, Philippines - Pormal nang gideklara kagahapon ang mga kandidato sa Liberal Party (LP) kinsa molansar sa umaabot nga eleksyon sa Philippine Councilors League karong August 4, 2020 nga makigsangka sa mga kandidato usab sa One Cebu Party nga gipangunahan ni Gobernador Gwen Garcia.
Ang tigum sa LP nga didto ipahigayon sa Casino Español gipangunahan ni Bise Gobernador Greg Sanchez uban sa mga konsehales gikan sa nagkada-iyang distrito sa lalawigan.
Napili sa pagka -presidente mao si Atty. Romeo Villarante sa 1st district; bise presidente Jeffry Anthony Yapha sa 3rd district; ang Secretary General mao si Atty. Boyet Velez sa 1st district; Treasurer, Marie Tabotabo sa 3rd district; Auditor, Atty.Orchid de Gracia sa 3rd district.
PRO; Julius Alegado 6th district, Business Manager Danny Alegado; Board of Directors; Neil Enriquez,1st district , Federico Jadraque, Lowella Pasilan 5th district, Vicente Colonia, Demetric Cortes Jr., Daddie Suico 6th district ug Atty. Gilbert Arabis Jr.
Matud ni Villarante nga iyang gidawat ang hagit aron ang ilang grupo maoy modaug sa umaabot nga eleksyon ug maoy modala sa tingog sa mga katawhan sa lalawigan. – BANAT NEWS