Eskuylahan gitugyan ngadto sa DepEd

CEBU, Philippines - Gitugyan sa kagamhanang lokal sa dakbayan sa Lapulapu ngadto sa Department of Education (DepEd) ang tulo ka andanang edipisyo nga may 12 ka lawak saringan nga gitarok didto sa Marigondon Elementary School sa maong dakbayan sa miaging semana.

Si Mayor Paz Corro Radaza sa dakbayan sa Lapulapu mao mismo ang nangunay sa pagtunol sa maong proyekto ngadto sa mga kadagkoan sa DepEd sa Lapulapu nga gipangulohan ni Superintendent Eduardo A. Ompad sa Lapulapu City Schools Division..

Ang maong proyekto natukod niadto pang panahon ni kanhi Mayor Arturo Radaza kinsa sa pagkakaron Kongresista na sa nag-inusarang distrito sa dakbayan sa Lapulapu.

Gumikan niini mapasalamaton kaayo ang taga DepEd sa gihimo sa kagamhanan sa dakbayan gumikan kay dako kini og ikatabang ngadto sa nagkadako nga populasyon sa mga tinun-an sa elementarya sa . Marigondon niining panahona.

Sayo niini daan nang gisaad ni Mayor Radaza nga sa iyang administrasyon, ang Edukasyon maoy usa sa gisentro niyang palambuon pag-ayo sa maong dakbayan. (BANATNEWS)