CEBU, Philippines - Usa ka Australyano nga nanghasi gumikan sa kahubog ang gidakop gumikan sa pagwarawara og mahait nga hinagiban sa usa ka KTV bar sa Pajo dakbayan sa Lapulapu sa milabay’ng gabii gidakop.
Ang nasikop mao si Mark Hatfield, 40, kasamtangang nagpuyo sa barangay Mactan sa maong dakbayan.
Matud pa ni PO2 Jude Salazar sa kapolisan sa Lapulapu naglisod sila og pugong sa maong langyaw sa dihang ilang girespondehan ang maong alarma gumikan kay nagmagahi kini pag-uban kanila.
Ang ka live-in niini nga naglagot sa gihimo ni Hatfield misugyot sa kapolisan nga mas maayong tinud-on gyud sa kapolisan ang pagpasaka og kaso batok niini aron motagam.
Kasong Alarm and scandal, malicious mischief, drunkiness, concealing of deadly weapon ug direct assault to a person in authority ang ipasaka sa kapolisan batok ni Hatfied samtang anaa kini gitanggong sa kapolisan. - Bong Soriano ug Romeo Limpangog (BANAT NEWS)