FTP cop gikasuhan pud og homicide

CEBU, Philippines - Gipasakaan na og kaso sa piskalya ang pulis nga aksidenteng nakapusil patay sa iyang kauban kagahapon.

Si PO1 Ronie Barangian gipasakaan og kasong Reckless Imprudence Resulting to Homicide human mamatay si PO1 Ronnie Barrita niadtong Hulyo 19 tungod sa samad pinusilan sa liog.

Si Prosecutor II Atty. Raul Cristoria mao ang fiscal nga naghikay sa maong kaso mitug-an nga dili molapas sa 12 ka tuig nga pagkabilanggo ang silot sa maong salaod,

Base pud sa mga statement sa witness nga sila si Rutchel Zapanta, PO1 Mari June Bohol ug PO1 Adam Perpetua nga nagduwa-duwa lang sa pusil ang suspetsado ug ang biktima ug gitutok sa may liog ni Barrita dihang nakablitan kini ni Barangian. – BANAT NEWS