Rama mihatag computer sa Tejero

CEBU, Philippines - Gihangop sa mga kadagkuan sa Tejero Elementary School sa barangay Tejero ning dakbayan sa Sugbo kagahapon ang nadawat nilang lima ka personal computer nga hinatag sa kagamhanan sa dakbayan sa Sugbo.

Si Belma P. Luage , ang principal sa maong tulunghaan nagkanayon nga dako kaayong tabang ang maong mga computer sa pag-edukar sa mga kabataan bahin sa pagamit sa computer.

Matud pa ni Luage nga sa kasamtangan may 20 ka mga computer ang tulunghaan nga maoy gihimong tun-anan sa mga kabataan, apan karong nadugangan kini og lima, labi silang nalipay, busa nagpasalamat sila sa kagamhanan sa dakbayan. – BANAT NEWS