Pagsikop sa kapitan gisaway ni Garcia

CEBU, Philippines - Gisaway ni Bise Mayor Marlon Garcia sa lungsod sa Barili ang pagsikop sa mga tinugyanan sa CIDG sa kapitan sa barangay Mayana, sa maong lungsod gumikan sa paghupot sa armas de fuego nga walay lisensya.

Matud pa ni Garcia nga dili maayo ang gihimo sa CIDG sa pagdakop kang kapitan Jonas Binondo gumikan wala sila mopahibawo sa mga kapolisan sa Barili.

Matud pa ni Garcia nga ang CIDG kinsa arogante kaayo, nagpakita sa kawala nilay respito sa kapolisan sa lungsod hinungdan nga wala na gani masulat sa blotter ang maong hitabo.

Matud pa ni Garcia nga ilang himoan og resolusyon ang maong hitabo. – BANAT NEWS