Opisyal sa BIR Gidakop May Bench Warrant

CEBU, Philippines - Arestado ang hepe sa Special Investigation Division Bureau of Internal Revenue (BIR) gumikan sa bench warrant nga giisyu sa korte gumikan sa kapakyas niini og tambong sa arraignment sa iyang kaso niadtong milabay’ng Pebrero 14, 2009.

Hinuon nakabutang dayon og piyansang P24 mil si Nieto Racho ug misang-at og urgent motion for reconsideration kang Judge Macaundas Hadjirasul nga maoy miluwat sa maong warrant. Gikanselar usab sa korte ang una niyang gipiyansa kaniadto tungod sa kapakyas pagtambong sa hearing.

Si Racho miesplikar nga wala niya tuyoa ang dili pagtambong sa iyang court hearing sa kasong falsification of public documents may labot sa iyang katigayunan nga iyang gideklarar nga P15 mil lamang ang naa sa bangko ug P203,758 usab ang iyang assets and liabilities.

Apan nasuta nga aduna kini kapin sa P5.7 milyones nga kwarta sa nagkalain-laing bangko dinhi sa Sugbu nga giisip nga pagpamakak ug nakaalkanse sa gobiyerno. (Jean Rien Armenion, PIT Intern) (BANAT NEWS)