Arraignment ni Joavan wala mahinayon

CEBU, Philippines - Gumikan sa kalibog sa prosekusyon ug sa depensa gioktaba una ang arraignment ni Joavan Fernandez kagahapon sa buntag.

Kini human wala magkasinabot ang depensa ug prosekusyon kun buwagon o usahon ba ang kasong Illegal Possession of Firearm ug kalapasan sa Comelec gun ban may labot sa gisang-at nga kaso sa kapolisan kabahin sa pasangil nga pagpanion ni Fernandez sa registered nurse nga si Vincent Castrodes.

Ang korte misibog sa petsa sa arraignment karong Septiyembre 17 ug gihatagan og 30 ka adlaw aron pasumitiron og position papers ug memorandum ang depensa ug ang prosekusyon.

Si Joavan gipasanginlang nanion og armas kang Castrodes niadtong Hunyo 4 ning tuiga lima ka adlaw una pa mapupos ang Comelec gun ban gumikan sa diriyot nila pagkabinanggaay diha sa Tabunok sa dakbayan sa Talisay, hinuon kusganong mihimakak niini si Joavan. (BANATNEWS)