CEBU, Philippines - Nahulog na sa mga kamot sa kapolisan sa dakbayan sa Mandaue ang usa ka gipasanginlang notadong ginang nga tigpayuhot sa ilegal nga drugas sa barangay Umapad dakbayan sa Mandaue sa milabay’ng gabii.
Ang nasikop mao si Stella Alilin, 42, residente sa maong dapit kinsa nag-atubang og kasong kalapasan sa Akta Republika 9165 ubos sa Art. II Sec. 5 kon pagpamaligya sa ilegal nga drugas.
Nangulo sa maong pagkasikop ni Alilin mao si Sr. Insp. Alfredo Ortiz ang hepe sa Station 5 pinasikad sa warrant of arrest nga giluwatan ni Mandaue City RTC branch 56 Hon. Judge Teresita Galanida. Nasayran nga si Alilin gipahigayonan og buybust operation sa kapolisan sa Station 5 sa maong dapit apan nakabantay kini ug nakaipsot sa mga kamot sa kapolisan ug nagtagotago.
Sa milabay’ng gabii nasigpatan si Alilin sa ilang dapit nga miresulta sa iyang pagkasikop.
Matud pa ni Ortiz pipila ka higayon nga ilang gihup-an si Alilin apan idlas kini. – BANAT NEWS