CEBU, Philippines - Namatay gumikan sa samad dinunggaban agi sa ice pick ang usa ka lalaki human kini lubaa sa iyang silingan sa barangay Tungkop,lungsod sa Minglanilla niadtong Domingo sa hapon.
Ang biktima mao si Felix Pacaña Jr. hingkod, nga taga Tungkop, samtang ang suspetsado mao usab si Salvador Paragoso, hingkod nga silingan ra sa biktima.
Si PO1 Raymund Hortezuela sa Minglanilla Police Station mibutyag sa Banat News nga sa sayo pa nagkasinumbagay ang biktima ug ang mga igsoon ug paryente sa suspetsado nga sila si Jetley Pegasmar Paragoso, 27, Miko Paragoso, 23, ulitawo nga igsoon sa suspek ug si Pablo Paragoso nga amahan sa suspek.
Unya samtang naglamok-lamok ang away, wala kaagwantang nagtan-aw ang suspek ilabi na nga gilupig sa sinumbagay ang iyang igsoon ug amahan, hinungdan nga milanit siya sa iyang gitangkil nga ice pick ug gitusaktusak ang kalawasan sa biktima hangtod nga mihutlay kini ug dayon nakabsan sa gininhawa. (BANATNEWS)