LTO nahutda'g plaka sa motor
CEBU, Philippines - Ang hepe sa Land Transportation Office (LTO) nga si Alberto Suansing miangkon nga gumikan sa kadaghang motorsiklo nga nagdagan karon, nagnihit ang ilang supply sa plaka sa maong matang sa sakyanan.
Si Suansing kinsa sa samang higayon maoy chairman sa Land Transportation Franchising and Regulatory Board (LTFRB) mibutyag nga usa kini sa hinungdan nga wala silay ikahatag nga plate number sa mga bag-ong irehistro nga mga motorsiklo.
Hinuon ang ilang buhatan moluwat og mga security paper alang sa mga sakyanang walay plaka aron kini makadagan uban sa temporaryong plate number.
Hinuon gipasalig ni Suansing nga ilang sulbaron kining maong suliran.
Sa laing bahin misaad si Suansing nga pahigpitan nila karon ang balaod bahin sa pagpasul-ob og helmet sa motorista gumikan sa kadaghan nang nangamatay sa kadalanan gumikan sa pagka-walay helmet.
Misaad usab siya nga molusad sila og information drive aron mapugos ang mga motorista sa pagsul-ob og helmet matag panahon n nga mosakay sila og motorsiklo. (BANATNEWS)
- Latest
- Trending
