'Bata-Bata' sa mga Ampatuan mibali, eksaminon sa DOJ

CEBU, Philippines - Gikatakdang ipailawom sa cross-examination ang testimonya sa bag-ong testigo batok sa mga Ampatuan nga dunay bug-at nga impormasyon kalabot sa Maguindanao Massacre niadtong milabay’ng tuig nga mikalas og 57 ka tawo.

“Tuwing lalabas ang isang bagong testigo, hindi agad-agad susunggaban ito at gagamitin natin. Ang pagdedesisyon ho niyan ay matapos ang masusing validation to determine kung totoo ba ang sinasabi nitong testigo na ito at kung anong motibo niya sa paglalahad,” si Assistant Chief State Prosecutor Richard Fadullon sumala pa sa report sa DzMM sa website sa ABS-CBN News.

Ang maong testigo nga si Lakmodin "Laks" Saliao, nangangkong sinaligan siya ni kanhi Maguindanao governor Andal Ampatuan Sr., matud pa niya nga diha gyud siya atol sa meeting sa mga Ampatuan sa planong pagmasaker.

Si Fadullon buot nga mokuha sa pamahayag sa maong testigo aron tun-an kun motakdo ba kini sa mga testimonya ug ebidensya sa maong krimen, miangkon siyang mao kini ang labing unang higayon nga dunay testigo gikan gyud sa sirkulo sa mga Ampatuan nga mipatim-aw.

Apan dili nila gustong magdali-dali og kuha kaniya gumikan sa kabalakang posibleng panglawgaw ra kini.