2 ka kawani sa MEPZ gitigbas

CEBU, Philippines - Samdan ang duha ka tawo human kini tigbasa sa ilang silingan didto sa Sitio Kaisko, BarangayMactan, dakbayan sa Lapulapu, sa milabay’ng gabii.

Ang mga biktima mao sila ni Rueldo Niez Sumalinog, 29, ug Rolly Roxas Miala, 28, pulosulitawo,taga Kaisko, ug mga technician sa usa sa mga kompaniyasa MEPZ 2 sa barangay Basak sa maong dakbayan .

Samtang ang suspetsado nga mitigbas kanila mao si Romel Balaod alyas Rofus, hingkod, ug silingan sa mga biktima.

Base sa pasiunang imbestigasyon ni PO3 Dioscoro Arong sa Crime Against Persons desk sa Lapulapu Police Station nasayran nga samtang ang duha ka biktima nag-estorya, kalit lang miabot ang suspetsado dayon gipanghabas sila sa pinuti niini.

Walay laing nahimo ang mga biktima gawas sa paggamit sa ilang mga kamot sa pagpanagang sa pinuti, busa nahiwahiwa ang ilang mga bukton ug kamot.

Gihatod dayon ngadto sa tambalanan ang mga biktima samtang gipangita pa sa kapolisan ang suspetsado human kini mosibat.

Sa laing bahinnaangol usab ang usa ka drayber sa traysikol human kini dunggaba didtosa Barangay Poblacion, dakbayan sa Lapulapu sa miaging gabii.

Ang biktima mao si Elvin Cantalao Quiñanola, hingkod, nga taga Cordova ug drayber sa traysikol. Sa imbestigasyon ni PO3 Arong nasuta nga samtang nagpaabot ang biktima ogpasahero sa maong dapit, kalit kining giduol sa usa ka wala hiilhing tawo nga midunggab kaniya.

Si Quiñanola kinsa samdan sa dughan agi sa usa ka kutsilyo nga gigamit sa suspetsado gidali kini paghatod ngadto sa Lapulapu City hospital, apan gibalhin kini ngadto sa Vicente Sotto Memorial Medical Center sa dakbayan sa Sugbo. - Bong Soriano ug Romeo T. Limpangog (– BANAT NEWS)