Protestang Soco gikataw-an ni Sanchez

CEBU, Philippines - Gikataw-an lang ni Bise Gobernador Gregorio Sanchez ang giduso niGlenn Soco , (pilderong kandidato sa pagka-bise gobernador sa milabay’ng election), nga election protest ngadto sa COMELEC Manila nga nagkwestiyon sa resulta sa ihap sa mga boto pinaagi saPrecinct Count Optical Scan (PCOS) sa eleksyon sa miaging Mayo 10.

 Matud pa ni Sanchez nga wala siya mahadlok sa maong election protest ug ang iyang mga abogado andam nga motubag sa maong protesta. Iyang gitataw nga bisan og modesisyon ang Comelec nga may manual recount sa tanang mga boto sa probinsiya dili siya mosibog niini kay siya nagtuo nga siya gyud ang tinuoray nga midaug sa maong election.

 "Go ahead, continue your entertainment," ang salabtunong mensahe ni Sanchez ngadto kang Soco atol sa iyang gipahigayongpress conference sa iyang buhatan kagahapon.

Gipakita ni Sanchez ang iyang dakong katingala nga gipadayon ni Soco ang maong protesta bisan kunnagduhaduha kini sa sinugdan.

 Si Sanchez nagtuo nga ang nagtukmod kang Soco sa pagduso sa maong election protest mao si Gobernador Gwen Garcia.

 Sa iyang bahin si Capitol Consultant on Information Atty. Rory Jon Sepulveda nagkanayon nga daan nang gikwestiyon sa gobernadora ang resulta sa miaging eleksyon tungod kay may mga PCOS machine nga nadaut ug wala maka-transmit og tarong.

 Si Sepulveda miingon nga si Gobernador Garcia mao unta ang mangunay sa pag-file sa maong election protest apan ila kining gipugngan sanglit nakadaug man ang gobernadora ug ila lamanggiagni si Soco nga maoy moduso sa maong petisyon napulo ka adlaw human sa election. – BANAT NEWS