Edigul III di kwalipikadong ma-VM

CEBU, Philippines - Ang first councilor sa dakbayan sa Talisay nga si Eduardo “Edigul” Gullas III dili kwalipikadong mahimong Bise Mayor sa siyudad kun ugaling masuspenso si Mayor Socrates Fernandez.

Si Talisay City Prosecutor Marshal Rubia nga nahinabi kagahapon sa Banat News mipasabot nga kung ma-implementar ang preventive suspension batok sa mayor, siguradong masuspenso kini og labing dugay90 ka adlaw o tulo ka buwan.

Kung mahitabo kini, ang local government code (LGC) nagmando nga ang bise mayor maoy mahimong awtomatik nga acting mayor ugang first councilor maoy mosakaisip acting vice mayor. Apan matud pa ni Rubia nga ang LGC nagbuot usab nga ang kwalipikasyon sa usa ka bise mayor kinahanglang21-anyos ang pangidaron.

Busa kay si Edigul kay 18-anyos pa man , dili siya pasado sa gilatid sa LGC, matud pa ni Rubia. Midugang si Rubia nga ang kalagmitang mahimong bise mayor, maoang ikaduhang konsehal kun pasado ang edad niini sa pagka-bise mayor.

Nasayran nga gumikan sa giingong pag-interbener ni Fernandez sa kaso sa iyang anak nga si Joavan Fernandez, gipasakaansiya og kasong obstruction of justice.  – BANAT NEWS