Pusher og marijuana nasikop

CEBU, Philippines - Nasakmit sa kapolisan ang mga linikit nga pinaugang dahon sa marijuana gikan sa duha ka tawo sa managkalahing takna ug dapit sa dakbayan sa Mandaue sa miaging gabii.

Ang nadakpan mao sila si Elesio Boquiron, 39 , minyo, nga taga barangay Banilad, ug Rolando Basalo, 44 , nga taga barangay Looc, pulos sa maong dakbayan.

Si Boquiron nadakpan nila ni Inspector Alexander Nunez kinsa nasakmitan og duha ka stick nga marijuana atol sa buy bust operation sa dalan M. Logarta sa barangay Subangdaku, sa dakbayan sa Mandaue.

Samtang si Basalo ang nadakpan usab nila ni Inspector Wilfredo Abot sa kapolisan sa Presinto 5 sa Opao Police Station sa maong dakbayan ug nasakmitan usab og mga linikit nga marijuana , atol sa buy bust operation nga ilang gipahigayon sa maong lugar.

Gitanggong karon sa sulod sa detention cell sa kapolisan sa maong dakbayan ang duha ka mga dinakpan, ug kasong kalapasan sa Republic Act 9165 kon Comprehensive Dangerous Drug Act of 2002 ang gisang-at batok kanila.  - BANAT NEWS