Gwen motabang sa Cordova

CEBU, Philippines - Ang kagamhanan sa lalawigan sa Sugbo hayan motabang aron matuman ang tinguha ni Cordova Mayor Adelino Sitoy nga makabaton og kaugalingong district hospital ang ilang lungsod alang sa mga kabus.Kini aron dili na mahasol ang masakiton sa lungsod sa Cordova sa pagdala niini ngadto sa hospital sa dakbayan sa Sugbo gawas lang sa emergency na kaayong mga balatian.Si Capitol Consultant on Information Rory Jon Sepulveda miingon nga wala pa mahiabot sa buhatan ni Gobernador Gwen Garcia ang hangyo ug tinguha ni Mayor Sitoy kalabot ning maong isyu. Matud pa ni Sepulveda nga angayan pa usab nga tun-an sa gobernadora ang maong lakang kun makaayuda ba ang kagamhanan sa lalawigan sa Sugbo sa maong proyekto.Nasayran nga ang Cordova nawad-an na og labing duol nga tambalanan human mahimong lone congressional district ang dakbayan sa Lapulapu.Nagtuo si Mayor Sitoy nga kun may kaugalingon nang hospital ang ilang lungsod hayan nga matibhangan ang mga pasyente sa Vicente Sotto Memorial Medical Center sa dakbayan sa Sugbo.Si Sitoy miingon nga sakaon kaayo ang maong proyekto   apan masaligon siya nga dili siya hikalimtan sa iyang mga suod sa lalawigan ilabi na karong usa na ka provincial board member ang iyang anak nga si kanhi mayor sa Cordova, Arleigh Sitoy.  – BANAT NEWS