Polis gusto gun ban ipadayon

CEBU, Philippines - Gusto sa kadagkoan sa kapolisan nga ipadayon ang pagpatuman sa gun ban sanglit nakita nila ang kaepektibo niini sa pagpakubos sa kriminalidad sa nasud.

Ang gun ban nga gipatuman gikan niadtong Enero 10 ning tuiga gikatakdang ilibkas na karong Hunyo 9 sumala sa lagda sa Commission on Elections (Comelec).

Si PNP Director General Jesus Versosa mipatawag og tigom niadtong miaging adlaw sa pagtuki sa maong isyu.

Gitambungan kini sa nagkadaiyang pundok nga naglakip sa mga kahugpongan sa mga gun holder, Commission on Human Rights (CHR) ug uban pa.

Lakip usab nga mitambong sa maong panagtigom mao sila si Police Regional Office 7 Director Lani O-Neres ug Cebu Provincial Police Director Erzon Digal .

Sa maong panagtigom ilang nasuta nga mikibra ang mga krimen nga nahitabo sa nagkadaiyang dapit sa nasud gumikan sa higpit nga pagpatuman sa Comelec gun ban.  (BANATNEWS)