Customs-Cebu nakalapas 1% sa target
CEBU, Philippines - Mokabat lamang sa 1% porsiyento ang paglapas sa target collection sa Bureau of Customs – Port of Cebu sa bulan sa Mayo 2010.
Base sa Daily Cash Collection Report ni Conrado Abarintos, hepe sa Collection Division sa BOC-POC nagpakita nga mokabat sa P584,938,000 ang target collection niini sa bulan sa Mayo diin ang nakolekta niini mokabat ngadto sa 585,018,504.21.
Sa maong kalambuan, si Cebu Customs District Collector Ronnie Silvestre nga nahinabi sa Banat News mapasalamaton sa mga paningkamot sa iyang economic team sa pagkuha sa ilang target collection sa bulan sa Mayo.
Giangkon ni Silvestre nga sa milabay’ng Biyernes nagproblema sila sa pagkuha sa ilang target gumikan sa bag-ong implementasyon sa Electronic to Mobile o E2M nga sistema. Gihulagway niya nga anaa pa sila sa “period of adjustment.”
Gipadayag ni Silvestre nga dako ang natabang ang pagluwat sa duha ka entry sa Sea Oil sa milabay’ng Lunes ang katapusang adlaw sa bulan sa Mayo diin nakabayad ang maong kompaniya og balor P50 milyones sa ilang duha ka barko nga miabot sa CIP.
Lakip sa nakatabang sa ilang kalampusan sa pagkuha sa ilang target mao ang Korean Electric Power Company (KEPCO) nga mibayad usab sa buhis sa ilang mga kargamento nga miabot dinhi sa Sugbo. – BANAT NEWS
- Latest
- Trending
