CEBU, Philippines - Wala na maglisod ang mga enumerator sa National Statistics Office (NSO)-7 pagsulod sa mga lugar dinhi sa rehiyon 7 nga aduna pay mga rebeldeng New Peoples Army (NPA).
Matud ni Noel Rafols, tigpamaba sa NSO nga dinhi sa lalawigan sa Sugbo wala nay problema human kini ideklarar nga insurgency free sa armadong kusog sa Pilipinas
Ang census usa sa mga gimbuhaton sa gobiyerno matag napulo ka tuig sa tuyo nga masayran ang katibuk-ang populasyon sa nasud nga maoy basihan sa budget nga andamon sa kagamhanan matag tuig.
Si Rafols nagpasalamat sa mga molupyo sa Negros Oriental nga bisan may mga rebelding NPA ang maong lugar apan wala hasola niini ang mga enumerator sa NSO. (BANATNEWS)