Radaza diduso pa sa BRT

CEBU, Philippines - Ang konseho sa dakbayan sa Lapulapu daan nang uyon sa proyektong Bus Rapid Transit (BRT) apan kinahanglan nga dili makagasto ang local nga kagamhanan niini.

Apan karong may bag-o nang napiling mga opisyal sa maong dakbayan, tun-an pa pag-ayo ang maong sugyot kun makaayo ba sa Lapulapu.

Matud pa ni Lapulapu City Sanguniang Panglungsod Secretary Francisco Limpangog nga sa dihang konsehal pa si Damian Gomez mipasar kadto og resolution nga nagsuporta sa proyekto sa dakbayan sa Sugbo nga BRT diin giaprobahan pinaagi sa mass motion sa konseho.

Kini human si Cebu City Planning and Development Officer Nigel Paul Villarete mipadala og suwat ngadto sa kagamhanan sa Lapulapu nga nangayo og suporta sa maong proyekto.

Apan sa bahin ni Lapulapu City Mayor–elect, kini nagkanayon nga tun-an pa niya ang maong sugyot ni Villarete bahin sa BRT.

Matud pa niya nga sutaon una ang mga kasabutan ug mga termino diha sa kontrato aron nga dili mabulilyaso ang dakbayan.   (BANATNEWS)