Sakop sa gang ang namusil

CEBU, Philippines - Gidudahang mga sakop sa gang namusil sa duha ka mga lalaki atol sa disko sa sitio Masiwa sa barangay Marigondon dakbayan sa Lapulapu sa milabay’ng kaadlawon.

Ang mga biktima nga sila si Danilo Taghoy ug Andrew Dehan miila sa 17-anyos base sa mga hulagway sa gang members nga gipakita sa kapolisan kanila diha sa tambalanan.

Si PO1 Maximo Villagonzalo sa Crime Against Persons Desk mibutyag nga ang usa maoy gitumbok sa duha nga maoy mipusil kanila.

Matud pa ni Villagonzalo nga bisan og minor pa ang suspek daghan na kaayo kining krimen ug atraso nga gihimo sa barangay Marigondon ilabi na sa kasong pagpamusil.

Kahinumduman nga si Taghoy ug Dehan gipamusil kini sa milabay’ng kaadlawon sa maong dapit dihang sila migawas sa diskohan, si Taghoy samaran sa walang abaga samtang si Dehan naigo sa dughan gamit ang kalibre .45.     (BANATNEWS)