Amahan, 2 anak mipatay sa silingan

CEBU, Philippines - Gitabangan og patay sa amahan ug duha niya ka mga anak apil na ang pag-umangkon ang 38-anyos nga lalaking ilang silingan samtang paingon unta motambong og disco diha sa barangay Malolos lungsod sa Barili niadtong Domingo sa alas 2:00 sa kaadlawon.

Ang biktima mao si Randy Adlawan, 38, molupyo sa nahisgutang lugar, samtang ang mga suspek mao sila si Siboy Villarin, 51, ug duha niya ka mga anak nga sila si Harvey Villarin, 20, ug Jade Villarin,22, ug pag-umangkon nga si Frederick John Villarin, 21, pulos molupyo sa maong dapit.

Matud pa ni SPO2 Zaldy Orillo sa Barili police dihang nahinabi sa Banat News padulong ang biktima sa disko sa sitio Mangga nunot usab sa kapistahan sa maong lugar.

Apan pag-abot sa maong lugar kalit mibutho ang upat nga nag-atang nang daan kaniya dayon gitabangan kini og pusil makadaghang higayon, ang biktima makatulo naigo sa dughan ug namatay.

Atol sa hot pursuit operation sa kapulisan bugtong si Frederick John lang ang nadakpan.   (BANATNEWS)